Сугышчан хәрәкәтләр ветераннарын эшкә алмаган өчен штраф яный
Татарстанда сугышчан хәрәкәтләр ветераннарын эшкә урнаштыру квотасын үтәмәгән өчен эш бирүчеләргә штраф сала башларга мөмкиннәр. «Акчалата җәза» күләме 20 меңнән 100 мең сумга кадәр үзгәрә, дип күренә коррупциягә каршы экспертиза сайтында бастырылган проекттан.
Мондый бозу өчен иң аз штраф вазыйфаи затларны көтә (20 мең — 30 мең сум). Шәхси эшмәкәрләргә 30-50 мең сум, ә юридик затларга — 50-100 мең сум штраф салыначак.
Документ кабул ителгән очракта төзәтмәләр Административ хокук бозулар турында Татарстан Республикасы кодексына кертеләчәк. Штрафлар квота үтәүдән азат ителгән җитәкчеләргә генә кагылмаячак. Закон 2027 елның 1 гыйнварыннан эшли башларга мөмкин.
Эш бирүчене, әгәр ул инвалидларның иҗтимагый берләшмәсе һәм ул оештырган оешма булса, банкротлык вакытында, хезмәткәрләрне күпләп азат итүне үткәргәндә яки планлаштырганда, шулай ук Татарстанның мәшгульлек хезмәте органнарында эш эзләүче сыйфатында теркәлгән махсус операциядә катнашучылар исәптә булмаса гына, квотаны үтәүдән азат итәчәкләр.
Чыганак:реальное время
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев