Татарстан халкын мессенджерларда яңа мошенник схемасы турында кисәтәләр

Аферистлар телеграммада яки WhatsAppта күп фатирлы йортларда яшәүчеләр төзегән  чатларга керәләр. 

"Мәгълүматны актуальләштерү" зарурлыгы сылтавы астында кырыгалдарлар ботка күчәргә һәм алынган кодны гомуми чатка җибәрергә сорыйлар. Кагыйдә буларак, бу Дәүләт хезмәтләре порталында яки онлайн-банкта шәхси кабинетка керү өчен кулланыла торган ике факторлы аутентификация коды. Халыкка басым ясау өчен җинаятьчеләр хокук бозган өчен административ җәзага тартырга мөмкин булуы турында әйтеп куркыта. 

Игьтибарлы булыгыз!  Ведомство хезмәткәрләре беркайчан да мессенджерлар аша шәхси мәгълүматлар яки раслау кодларын сорамый. Белгечләр гражданнарны шикле сылтамалар буенча кермәскә һәм беркемгә дә шәхси мәгълүматларны хәбәр итмәскә чакыра.

Чыганак: казанкп