Татарстанда җинаять эзләү хезмәткәрләре җитми

Татарстан Республикасы буенча Эчке эшләр министрлыгының Җинаять эзләү идарәсе башлыгы Рифат Катипов кадрлар җитмәү һәм хезмәткәрләргә эш йөкләнеше арту турында белдерде. Аның сүзләренчә, агымдагы вәзгыять белгечләрнең тәҗрибә нигезен югалтуга китерергә мөмкин, бу җинаятьләрне ачуда тискәре чагылыш табачак. 

"Хезмәткәрне өйрәтү һәм аңа кирәкле белем күләме бирү өчен ким дигәндә ике ел таләп ителә. Шул вакыт эчендә ул тулы күләмдә грамоталы эшләргә сәләтле түгел. Әгәр андый белгечләр китсә, система тотрыклылыкны югалта», - дип билгеләп үтте Катипов. Ул ассызыклаганча, Татарстанда каралган өстәмә түләүләр һәм ярдәм чаралары кадрларны саклап калырга ярдәм итә, әмма алар әле һаман да җитәрлек түгел. Шул ук вакытта эш сыйфатына таләпләр бик югары булып кала.

Чыганак: татарстан24