1 октябрьдән Татарстанда коммуналь ресурсларга тарифлар һәм коммуналь хезмәтләр өчен түләү үзгәрәчәк. Республикада уртача түләү индексы 13,4% тан артмаячак, дип хәбәр иттеләр ТР тарифлар буенча Дәүләт комитетында. Аерым муниципалитетларда бу күрсәткеч 18,2% ка кадәр булырга мөмкин.
Ведомствода ассызыклаганча, индексация 2026 елның соңгы өч аена гына кагылачак. Ел буена күчереп исәпләгәндә уртача еллык үсеш 5,7% тәшкил итәчәк. Моңа кадәр коммуналь ресурсларга тарифлар узган елның июленнән яңадан каралмаган, ә гыйнвар үзгәрүе НДС ставкасын үзгәртү белән бәйле иде.
Үсеш факторлары арасында Дәүләт комитетында энергия ресурслары бәясенең артуын һәм аларны транспортлау, инфляция, МРОТ артуын, салым үзгәрешләрен, шулай ук коммуналь инфраструктура төзелешенә һәм реконструкциясенә чыгымнарны атадылар.
Нет комментариев