ОСАГО өчен техосмотр узасы булмаячак

Автогражданлык җаваплылыгын мәҗбүри иминиятләү (ОСАГО) полисын алу өчен мәҗбүри техосмотр үтәсе булмаячак. Дәүләт Думасы шундый канун кабул итте. Яңа тәртип буенча, полис алу өчен машина йөртүчегә диагностик карта бирергә һәм үткәрелгән техник тикшерүне расларга кирәк булмаячак.

“Бу үзгәреш башта башка закон проектында тәкъдим ителгән иде, әмма аны кабул итүне тизләтү максатыннан, ул бу законга күчерелде”, — дип аңлаткан РИА “Новости”га Дәүләт Думасының финанс базары буенча комитет рәисе Анатолий Аксаков.  

Аның әйтүенчә, ЮХИДИ, автостраховкалаучылар һәм Россия Банкы ОСАГО техник карау һәм диагностика картасына бәйле булырга тиеш түгел дип саный.   “Моннан тыш, диагностика картасы соңгы көнне гамәлдә булган очраклар да булырга мөмкин, шул ук көнне ОСАГО полисы сатып алына, ә алга таба полис гамәлдә, ә карта юк”, — дип билгеләп үтә Аксаков.  

“Матбугат.ру”белешүенчә, яңа канун 22 августтан үз көченә керергә тиеш.