«Уйнагыз, гармуннар!» фестиваль-конкурсының сайлап алу туры узды

Соңгы ике елда конкурс район күләмендә уздырылса, быел конкурска  республикабыздан барлыгы йөздән артык гариза кабул ителде.

Иртәдән башланган бәйгедә чыгыш ясаучыларны  мәртәбәле жюри  карап  тыңлаганан соң, республикабызның төрле районнарыннан  килгән 30 га якын гармунчы 2 нче турга, ягъни Фестивальнең  Гала-концертында чыгыш ясау хокукына ия булды. Гала-концерт исә 30 март көнне кичке сәгать җидедә, республикабызның танылган артистлары һәм оста гармунчылар чыгышлары катнашында,  Иске Җөри авылы мәдәният йортында булыр дип көтелә. Барыгызны да бәйрәмдә көтеп калабыз!