Бүген Теләче муниципаль районы башлыгы, Россия Федерациясенең атказанган авыл хуҗалыгы хезмәткәре һәм «Казанның 1000 еллыгы истәлегенә» медале иясе Хаҗипов Нәҗип Нәкыйп улының туган көне

Бүген Теләче муниципаль районы башлыгы, Россия Федерациясенең атказанган авыл хуҗалыгы хезмәткәре һәм «Казанның 1000 еллыгы истәлегенә» медале иясе Хаҗипов Нәҗип Нәкыйп улының туган көне

Хөрмәтле Нәҗип Нәкыйпович! Сезне туган көнегез белән ихлас котлыйбыз! Районыбыз Сезнең җитәкчелектә, Республикада алдынгылар рәтендә үзенең лаеклы урынын тота. Бу төбәкне тагын да матур итү, анда кешеләрнең яшәеше имин һәм уңайлы булсын өчен бөтен көчегезне куясыз. Сез ару-талуны белмәс, тынгысыз һәм таләпчән җитәкче булу белән бергә, киң күңелле шәхес, тәҗрибәле остаз да. Хезмәт сөючән, тырыш кеше буларак хезмәт кешесен һәрвакыт игътибар үзәгендә тотасыз. Фикерләү киңлеге, табигый зирәклек, яңалыкка омтылу, замана белән бергә атлау, һәр эш өчен зур җаваплылык хисе – асыл сыйфатларыгыз. Шуңа да районыбызда гына түгел, ә республикабыз күләмендә зур абруй һәм хөрмәт казандыгыз.

Хөрмәтле Нәҗип Нәкыйпович!Сезгә сәламәтлек,  гаиләгезгә иминлек, күңел күтәренкелеге, яңадан-яңа шатлыклар телибез. Ышанычлы, тугры дусларыгыз Сезгә һәрчак терәк булсын!