Алмагач яфракларындагы көрән таплар - гөмбәчек авыруы

Эссе һава торышында гөмбәчекләр яфрак өслегендә бик яхшы үрчиләр һәм үсәләр, нәтиҗәдә агачның бөтен яшел массасын юкка чыгаралар. Яфрак өслегендә башта кечкенә генә коңгырт таплар барлыкка килә, аннары алар зурая.
Нәтиҗәдә, шул урында яфрак тишелә. Үсемлекнең фотосинтезы бозыла. Яфраклар бөрешә. Бу авыру куркыныч түгел, аны фунгицидлар ярдәмендә җиңел бетереп була.

Алмагачларны яз башыннан ук эшкәртү кирәк.

Беренчесе — бөреләре уянганчы 3% бордоская смесь белән.

Аннан соң бөреләр очында яшел төс күренә башлаганда «Хом», «Скор», «Хорус», «Абига-пик» кебек фунгицидлар белән эшкәртү дөрес. 

Чираттагы эшкәртү чәчәк бөреләре барлыкка килгәч башкарыла.

Эшкәртүләр 10-15 көн саен кабатланырга тиеш. Тыныч, җилсез көнне, иртән иртүк яки кич белән эшкәртергә кирәк. Кояш кыздырып торганда эшкәртергә ярамый.