Теләчедә - "Автоледи-2015" бәйгесе

19 июль көнне Теләче районы РОСТО ДОСААФ оешмасы биләмәсендә гүзәл затларыбыз арасында "Автоледи-2015" бәйгесе узды. Бәйгедә катнашкан хатын-кызлар машина йөртү осталыгы буенча көч сынашты. Бәйгенең икенче этабында алар юл йөрү кагыйдәләре буенча имтихан тапшырды. Бәйге нәтиҗәләре буенча

1 урында- Найлә Шәйдуллина

2 урында - Ләйсән Хәкимуллина

3 урында-Эльмира Кәримова

-Әлеге бәйгедә икенче мәртәбә катнашам. Узган ел әзерләнгән идем, быел вакыт булмады. Бу җиңү - көтелмәгән булды,-ди Наилә Шәйдуллина. Аңа Казан шәһәрендә узачак Автоледи бәйгесендә катнашу хокукы бирелде.

Соңыннан җиңүчеләргә грамоталар һәм бүләкләр тапшырылды.