Казанда беренче “Магнит-Опт” кибете ачылды

Казанда беренче "Магнит-Опт" ачылды. Яңа кибет Киров районында Галимҗан Баруди урамындагы 8нче йортта эшли башлады.

"Магнит-Опт"тан гадәти сатып алучылар һәм эшмәкәрләр товарны азлап та, тартмалап та ала ала. Әлеге мәгълүматны кибеттә расладылар.

Ассортиментта көндә кирәкле, шул исәптән үзебездә җитештерелгән товарлар: бакалея (он, ярма, макарон, әзер иртәнге ашлар, кипкән җиләк-җимеш, чәй,тәмләткечләр һәм башкалар), ит ризыклары, кондитер эшләнмәләре, ярымфабрикатлар, консервалар, сок, су - бар да бар. Шулай ук хайваннар өчен азык, көнкүреш химиясе, гигиена кирәк-ярагын да алырга була.

Кибет сатып алучыга уңайлы һәм гади, җайлы итеп эшләнгән. Товарлар ачык итеп киштәләргә тезеп куелган, киштәләр арасы иркен, сатучы-консультантлар ярдәм итеп тора. Сатып алучы кирәкле әйберен тиз таба, вакытын һәм акчасын артык сарыф итми.

"Магнит-Опт" Россия шәһәрләрендә, мәсәлән, Ульяновскида, Новосибирскида, Архангельскида бик популяр.

Казанда ачылган кибетнең беренче көнендә он, карабодай ярмасы, шикәр, үсемлек мае яхшы сатылды, дип билгеләп үтә сатучылар.

Татар Информ