Баландыш авылының мәдәният йортына җыелдылар

 Бәйрәм Баландыш авылы китапханәсе (ремонттан соң) танышу белән башланып китеп, китапханәче кызлар -  Миләүшә Нәҗипова, Гөлфия Мөхәммәтшина, Рузалия Газизовалар әзерләгән бай эчтәлекле программа нигезендә, мул табын артында дәвам итте.

"Бәйрәмне оештырган, безгә күрсәткән ихтирамнары, мул табыннары өчен авыл җирлеге башлыгы Мөхәммәтшин Рөстәм Шәмсевәли улына, китапханәчеләребез Миләүшә Хәбибрахман кызына, Гөлфия Исмәгыйль кызына ихлас рәхмәтләребезне белдерәбез", - ди үзәк китапханә кызлары. 

Хөрмәтле китапханәчеләр, лаеклы ялдагы ветераннарыбыз! Алга таба да барлык планнарыгыз, матур,иҗади проектларыгыз тормышка ашсын! Сәламәтлек, иминлек, күтәренке кәеф, бәхет телибез. Китап, сүз кадерен белүче укучыларыбыз күп булсын!