Күңелле вакыйгалар

admin, 15 декабрь 2022 - 13:29

639

Быел районыбыз хастаханәсенә республика программасы нигезендә капиталь ремонт үткәрелде.

1987 елда төзелгән бинага бер тапкыр да капиталь ремонт ясалганы юк иде. Поликлиника ягында кул тимәгән урын калмады. Бинаның түбәсе яңадан ябылды, тышкы яктан да матурланды. Бүген табибларның сөенечен уртаклашырга район башлыгы Нәҗип Хаҗипов, Татарстан республикасының сәламәтлек саклау министры урынбасары Фәридә Яркәева килде. Кызыл тасма киселгәннән соң, министр урынбасары ремонт үткәрелгән хастаханә ягы белән якыннан танышты, табиблар, авырулар белән аралашты. Теләчегә эш сәфәре барышында Фәридә Яркәева Шармыш һәм Сауш авылы фельдшер-акушерлык пунктларының да эшчәнлеге белән танышты.