Миңа дан кирәкме?! Кирәк түгел!

Белмәүчеләр, көнләп йөрүчеләр
Сорау биреп мине йөдәтә.
Мин кем булсам, ниләр эшләсәм дә,
Кемнең эше бар соң?! Әлбәттә...

Үзем өчен гомер юлын узам,
Абынсам да, бары үземә.
Шат елмаеп, сәлам бирәм һәр чак,
Кара япмыйм әле йөземә.

Әйткән сүзләр, килеп җитә алар,
Җилләр белән, сыйпап йөземә.
Миңа авыр булсын, дигән сүзләр,
Ишетсәм дә гомер көзендә.

Бер каршыма килеп, әйтә алса,
Бары елмаермын, мин беләм.
Арттан әйтүчеләр, артта миннән,
Сездән алда бит мин, дим көләм.

Исем китми, әйдә сөйләгез дә,
Гөнахларым минем юыгыз.
Алда әле ни буласын белмим...
Тик хәерле булсын юлыбыз.
(Үпкәләмим, телне бәйләп булмый,
Азрак үзегезне белегез!)
15.06.2024 Ләйлә Фәрит.