Министр урынбасары дәрес бирә

Башкала кунагы менә инде бер ел дәверендә Теләче урта мәктәбе укучылары өчен дәресләр бирә. Аларның һәркайсы кызыклы һәм файдалы үтә. Тимур Викторович укучыларга аңлаешы һәм үтәдә аларның, ягъни яшьләр теле белән сөйләшүе белән үзенә җәлеп итә, “Саннар дәрес”ләренең эчтәлеген тулаем ачып бирә ала. Бүгенге дәресне 7 “а” сыйныфы укучылары тыңлады. “Кәрәзле телефонда нәрсә яшеренә? Мобиль куркыныч тудыручылар” “Саннар дәресе”нең темасы шулай иде.

Сезнең һәркайсыгызда кесә телефоннары бар. Шулай бит? Төрле уеннар уйныйсыз, сайтлардан мәгълүматлар укыйсыз. Ә бу сайтлар төрле куркыныч вируслар белән тулгандыр, ә бәлки минем телефоныма да алар кереп урнашыр, дигән уйлар әлбәттә сезне борчымый. Шуңа да бүгенге дәрестә без болар турында тулырак сөйләшербез, - дип башлады дәресне Тимур Викторович.

“Саннар дәресе”ндә министр урынбасары вирусларның төрләре, алар телефонга кереп урнашкан очракта, ничек итеп чистарту юллары, һәм иң мөһиме вируслар һәм мошенниклар кулына төшмәс өчен шәхси кабинет ачыкычларын берәүгә дә әйтергә ярамаганлыгы турында тәфсилләп аңлатты. Укучылар да дәрестә актив катнашып “укытучы” биргән сорауларга тулы җавап бирделәр. Әлеге “Саннар дәресе” соңгысы булмас диде килгән кунак. Заманалар алга бара, ә аның белән яңа технологияләр дә урын ала. Шуңа да болар хакында укучыларга мәктәп яшеннән үк аңлату кирәк.

Лилия Кыямова.