Олы Мишә мәктәбе 40 еллык юбилеен билгеләп үтте

 Шушы вакыт эчендә мәктәптән 600 дән артык бала белем алып чыккан. Мәктәп күпме уңышларга ирешкән, күпме истәлекле вакыйгалар булган...
Очрашуга килгән һәркем тормышта үз юлын тапкан кешеләр. Араларында укытучылар да, табиблар да, эшчеләр дә, дәрәҗәле урыннарда хезмәт куючы кешеләр дә бар. Алар үзләрен балачакка, яшьлек иленә алып кайтып, туган мәктәпләре, яраткан укытучылары, сыйныфташлары белән күрештереп, чын мәгънәсендә зур бәйрәм оештырган өчен Олы Мишә урта гомумбелем бирү мәктәбе директоры Сәйлән Нәгыймовнага һәм коллективка зур рәхмәтләрен җиткерделәр.