#ТЕЛӘЧЕКЕРӘШЕННӘРЕ айлыгы дәвам итә

Керәшеннәрнең рухи хәзинәсен, гореф-гадәт, йолаларын саклау, аларны түкми-чәчми киләчәк яшь буынга тапшыру максатыннан, 2017 елда Иске Карабаян авылында “Беләзек” ансамбеле оеша.

Ансамбль башка иҗат коллективлары белән чагыштырганда чагыштырмача яшь коллектив. Ансамбльнең составы алышынып тора. Бүгенге көндә ансамбльгә 8 кеше йөри. Әлегә гармунчылары юк. Җыруларны кубрәк фонограммага һәм акапелло башкаралар. Алга таба гармунчылары да булыр дип өметләнеп, янып, ялкынланып иҗат итәләр.

Ансамбль этник яктан бары тик керәшен тутиләреннән, урта яшьтәге, яшьрәк ханымнардан тора.Сәнгать җитәкчеләре - Демидова Светлана Ивановна.

🪗2022 елда "Беләзек" ансамбленең беренче кечкенә генә юбилее булып уза. Коллективның репертуары әледән-әле яңа җырлар һәм фольклор композицияләр белән тулыланып тора.Пристоль бәйрәмнәрдә ансамбль махсус төзелгән сценарийлар нигезендә чыгышлар ясый.

Авылда клуб булмаса да, "Беләзек" фольклор ансамбле төшенкелеккә бирелми, авыл китапханәсендә җыелып, репетицияләрне һәм кичәләрне биредә үткәрәләр.

Коллективның материаль-техник базасы юк, әлегә ерак әбиләрдән калган мирастан – киндер күлмәкләр, алмалы алъяпкычлардан файдаланалар. Яңа сәхнә костюмнары да булыр дигән өметтә армый-талмый иҗат итәләр.

🎤Оешкан елларында коллектив якын-тирә, Иске Каарабаян авылында гына чыгышлар ясаган. Инде ике-өч ел дәвамында халык арасында, Теләче районында узган чараларда катнашып, шомара, остара баралар.
"Беләзек" фольклор ансамбле алдагы көннәргә зур планнар корып, иҗат белән яши.

Чыганак: https://vk.com/ccemelyanova?from=quick_search