«Тере классика – 2022»

Әлеге бәйге - Россия һәм чит ил язучыларының прозаик әсәрләреннән өзекләр уку буенча ярыш чарасы. Конкурс Россия Федерациясе Мәгариф министрлыгы патронаты астында балалар һәм яшүсмерләр арасында китап укуга кызыксыну уяту максатыннан үткәрелә.

Конкурсның муниципаль этабын оештыручы - «Татарстан Республикасы Теләче муниципаль районы мәгариф бүлеге» муниципаль учреждениясе.

Муниципаль этапта Теләче районының 11 гомуми белем бирү оешмасыннан 28 укучы катнашты.

Жюри алдында бик катлаулы бурыч торды - муниципаль этапта 3 җиңүчене сайлау. Алар конкурсның республика этабында район данын яклаячак.

Җиңүчеләр:

Фадеева Азалия, Олы Нырсы урта мәктәбенең 6 сыйныф укучысы (җитәкчесе Фадеев Р. С.);

Вафина Алсу, Теләче урта мәктәбенең 7 сыйныф укучысы (җитәкчесе Нуртдинова Е. Я);

Бирюкова Дарина, Шармыш төп мәктәбенең 8 сыйныф укучысы (җитәкчесе Леонтьева Н. А.).