Умартачының да әйтер сүзе бар

Муниципаль район башлыгы Нәҗип Хаҗипов җитәкчелегендә узган киңәшмәдә әлеге теманы яктыртып, район авыл хуҗалыгы һәм азык-төлек идарәсе җитәкчесе Ралиф Низаметдинов,  идарәнең нәсел эше буенча җаваплы белгече Резеда Фәрхуллина, район ветеринария берләшмәсе җитәкчесе Илгизәр Гарипов,  җаваплылыгы чикләнгән “Алан” ширкәтенең баш аш агрономы Искәндәр Шакиров, җаваплылыгы чикләнгән “Саба” ширкәтенең баш агрономы Рәүф Газизҗанов һәм Татарстан Республикасы Авыл хуҗалыгы һәм азык-төлек министрлыгының умартачылык һәм аквакультуралар секторы мөдире Динард Гатауллин чыгыш ясады. Чыгышларда билгеләп үтелгәнчә, районыбыз умартачыларның эшчәнлегенә тел-теш тидерерлек. Әмма эш дәверендә очрый торган проблемалар шактый икән әле. Киеренкелек бигрәк тә авыл хуҗалыгы предприятиеләрнең игеннәрне химик препаратлар белән тәрбияләгән чорда барлыкка килә икән. Киңәшмә дә агрономнар белән урмартачыларның бер-берсе белән аңлашып эшләүләренә булышлык итү максатыннан оештырыла ләбаса.

Киңәшмә ахырында 2023 елда нәтиҗәле эшләгән умартачыларны бүләкләү тантанасы булды. Мәсәлән, бу юлы Алан авылы умартачысы Нурислам Гыйльманов белән Олы Мәтәскә авылы умартачысы Рафис Салиховка Татарстан Республикасы Авыл хуҗалыгы һәм азык-төлек министрлыгының Рәхмәте белдерелсә, Лесной бистәсе умартачысы Илнур Сабирҗанов белән Урта Мишә авылы умартачысы Гөлназ Гарифуллинага Теләче муниципаль районы башлыгының Мактау грамоталары, ә Ямбулат авылы умартачысы Равил Гәрәев белән Күкчә авылы умартачысы Нияз Сабирҗановка Теләче муниципаль районы башлыгының Рәхмәт хатлары тапшырылды.

Фәнил Гаязов.