Бакча җиләген кошлардан ничек сакларга?

Бакча җиләген кешеләр генә түгел, сыерчыклар, чыпчыклар, саесканнар, каргалар һәм күгәрченнәр дә ярата. Кошлардан саклау өчен киңәшләр INTERTAT сайтында чыкты.

Җиләк түтәле өстенә тишекләре төрле зурлыкта булган металл яки пластик сетка куегыз. Ул кояш нурларын да уздыра, кошлардан да саклый. 

Түтәл янына CD һәм DVD-дисклар тезеп чыгарга була. Кояш нурлары дисктан чагыла, хәрәкәт иткән кебек була һәм кошларны куркыта. 

Кошлар суган исен дә яратмый. Җиләк түтәле янына суган тезеп чыгарга була. 

Кошларның игътибарын үзенә җәлеп итә торган куаклар бар. Алар җиләктән бигрәк чия, сырганак, миләш белән кызыксына. Шуңа күрә җиләкне шушы агачлар янына утыртырга да була.