Файдалы киңәшләр
Ни өчен сишәмбе көнне эш башларга, юлга чыгарга ярамый?
Әлеге сорауга «Тәүбә» мәчетендә хезмәт итүче Артур хәзрәт Габдуллин җавап бирде.
– Сишәмбе көнне эш башларга, юлга чыгарга ярамый дигән сүзләр халык арасында яшәп килгән ырым гына булып тора. Аллаһы Тәгалә барлыкка китергән барлык мизгелләр дә, көннәр дә бертигез. Аларның аермасы юк. Кайчан телисең, шул вакытта юлга чыгасың, үзең теләгән вакытта эш башлыйсың. Мондый ырым-шырымнарга ышанган кешеләргә динебезне ныграк өйрәнергә киңәш итәр идем. Динебезне яхшырак белгән саен тормышыбызны катлауландырган мондый юк-бар ышануларга урын калмый, яшәве күпкә җиңелрәк булачак.
Следите за самым важным и интересным в Telegram-каналеТатмедиа
Нет комментариев