Күчмә Кубок “Агролак”та калды

Муниципаль район башлыгы Нәҗип Хаҗипов җитәкчелегендә узган киңәшмәдә әлеге теманы яктыртып, район авыл хуҗалыгы һәм азык-төлек идарәсе җитәкчесе Ралиф Низаметдинов, район ветеринария берләшмәсе җитәкчесе Илгизәр Гарипов, җаваплылыгы чикләнгән “Алан” ширкәте җитәкчесе урынбасары Алмаз Фәсхетдинов, “Низамов М.Х.” крестьян-фермер хуҗалыгы җитәкчесе Марат Низамов, җаваплылыгы чикләнгән “Игенче” ширкәте җитәкчесе Рафис Яхин, җаваплылыгы чикләнгән “Август – Теләче” ширкәте җитәкчесе Алмаз Хәйруллин чыгыш ясады.

Февраль аенда терлекчелек тармагында куелган хезмәт буенча авыл хуҗалыгы предприятияләре арасында үткәрелгән рейтингта беренче урыны кабат җаваплылыгы чикләнгән “Агролак” ширкәте яулады һәм Күчмә Кубок – Ат сыны аларда калды. Икенче һәм өченче урыннарга җаваплылыклары чикләнгән “Алан” һәм “Чулпан” ширкәтләре лаек булды. Дүртенче урында – җаваплылыгы чикләнгән “Таң” ширкәте терлекчеләре. Бик күп саннар, фактлар яңгыраган, аргументлар китерелгән һәм анализларга бай киңәшмә турында сез тулырак “Теләче” газетасының киләсе саныннан укый аласыз.

Фәнил Гаязов.

Автор фотолары.