Теләчедә мәктәп яны лагере эшли башлады

Теләче мәктәп яны лагеренә йөрүче балаларның һәр иртәсе зарядка ясау белән башлана. Аннан соң аларны ашханәдә иртәнге кайнар аш көтә. Ашаганнан соң, һава торышына карап, балалар төрле уеннар, мавыктыргыч чараларда катнашалар.

Лагерьда һәр яңа көн үз мәгънәсе, үз идеясе һәм үз эчтәлеге белән балаларны  кызыксындырып торырга тиеш. Шуңа күрә, әлеге лагерьда һәр көн үзенчә атала һәм чаралар белән бергә алып барыла торган билгеле бер тематикада уза.