Терлекләргә игътибарлы булыгыз!

Чамадан тыш эссе һава торышы беркемгә дә файдага түгел, әлбәттә. Эссе көндә кешеләргә генә түгел, мал-туарга да авырга туры килә. Югары температуралы һава торышы шартларында авылда мал тотып, терлекчелек белән шөгыльләнүчеләр өчен бу - актуаль мәсьәләләрнең берсе. Шуңа күрә район ветеренария берләшмәсе хуҗалыкларга терлекләрне саклау буенча киңәшләрен җиткерә.

1. Терлекләрне өзлексез рәвештә чиста һәм саф су белән тәэмин итәргә.
2. Авыл хуҗалыгы терлекләре яши торган биналарны канэчкеч бөҗәкләргә каршы репеллент чаралары белән эшкәртергә.
3. Кардаларда, җәйге лагерьларда һәм көтүлекләрдә күләгәле урыннар ясарга.
4. Хайваннар бина эчендә торган очракта өстәмә рәвештә җилләтү, су сиптерү системалары, сулыкларда коену чараларын күрергә.
5. Терлекләрне ашату рационын яңадан карарга һәм терлек азыгының энергетик туклылыгын арттырырга һәм минераль өстәмәләр кушарга киңәш ителә.
6. Болардан тыш, эсселек һәм корылык сәбәпле, ашлык һәм терлек азыгы җитештерү кыенлашуын күзаллап, сыерларны эссе сугудан савымнарның кимүен дә алдан исәптә тотып эш итү зарур.