Аграр министр килде
Бүген, ягъни 27 апрель көнне, районыбызга Татарстан Республикасы Премьер-минстры урынбасары, авыл хуҗалыгы һәм азык-төлек министры Марат Җаббаров килде.
Ул муниципаль район башлыгы урынбасары Айрат Фатхуллин һәм район авыл хуҗалыгы һәм азык-төлек идарәсе җитәкчесе Ралиф Низаметдинов озтуында танылган фермер Сәгыйть Гыйниятуллин җитәкчелегендәге җаваплылыгы чикләнгән “Племрепродуктор Гыйниятуллин С.Ш.” ширкәтендә, җаваплылыгы чикләнгән “Август - Теләче” ширкәтенең Иске Җөри терлекчелек комплкесында булды, җитештерү барышы белән танышты. Моннан тыш, аграр министр шәхси эшмәкәр Рифкать Шәфыйковка караган “Туган авыл” күңел ачу комплексын да карады. Марат Азат улы күңелендә аеруча төбәк халкының тарихын чагылдырган музей экспонатлары зур кызыксыну уятты.
Фәнил Гаязов.
Следите за самым важным и интересным в Telegram-каналеТатмедиа
Нет комментариев