Яктылык кайтару элементларын кулланыйк!
Яктылыкның кыска, караңгылыкның озын вакытлары башланды.
Бу чор һәм табигать шартлары (яңгыр, карлы яңгыр, томан, юллардагы бозлавык) юлларда йөрүчеләрдән уяулык һәм яктылык кайтару элементлары белән тәэмин ителүне сорый. Бигрәк тә җәяүлеләр тәүлекнең караңгы вакытында тапталып имгәнәләр, я һәлак булалар. Гаҗәп түгел, караңгыда машина йөртүче юлга чыккан җәяүлене соң күреп ала.
Яктылык кайтару элементлары махсус материалдан ясала һәм яктылык нурын чагылдыра. Нәтиҗәдә, машина йөртүче җәяүлене 150-200 метрдан ук күреп өлгерә. Бу инде аңа нинди дә булса карарлар кабул итү өчен 15025 секунд вакыт бирә дигән сүз. Шулай итеп, җәяүленең гомере сакланып кала.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев