Пенсия фонды идарәсенең отчет җыелышы узды

Чакырылучылар арасында Теләче муниципаль районы башлыгы Нәҗип Хаҗипов, аның урынбасары Айрат Фатхуллин һәм Татарстан Республикасы буенча Россия Федерациясенең пенсия-социаль иминиятләштерү фонды бүлекчәсенең казначылык идарәсе башлыгы Татьяна Хаҗипова, районның оешма җитәкчеләре бар иде. 

Доклад белән Пенсия фонды идарәсенең клиент хезмәте җитәкчесе Алсу Котдусова чыгыш ясады. Ул үзенең докладында идарәнең һәрбер юнәлеше буенча эш нәтиҗәләре белән кыска һәм аңлаешлы итеп таныштырды. Татарстан Республикасы буенча Россия Федерациясенең пенсия-социаль иминиятләштерү фонды бүлекчәсенең казначылык идарәсе башлыгы Татьяна Хаҗипова республика пенсия-социаль иминиятләштерү фонды эшчәнлеге, район җитәкчесе Нәҗип Хаҗипов  2024 елда  районда булачак планга кергән төзелешләр, район башлыгы урынбасары Айрат Фатхуллин булачак сайлауларга әзерлек буенча чыгышы ясады. Ахырдан, район гражданнарының социаль иминлеге һәм пенсия тәэминатын югары күтәрүдә Пенсия фонды белән тыгыз элемтәдә хезмәттәшлек итүче кайбер җитәкчеләр билгеләп үтелде, бүләкләнде. 

Зөлфия Ибраһимова.