Татарстанда «Физика-математика алга китеше» проектын яңа дәрәҗәгә чыгарырга планлаштыралар. ТР Дәүләт Советының Мәгариф, мәдәният, фән һәм милли мәсьәләләр комитеты утырышында Иннополис университеты проректоры урынбасары Татьяна Камалетдинова район үзәкләре һәм республиканың зур булмаган торак пунктлары мәктәпләрендә махсуслаштырылган физика-математика сыйныфлары ачу кирәклеге турында белдерде.
Югары уку йорты вәкиле сүзләренә караганда, 2028-2030 елларга программада беренче катнашучылар тугызынчы сыйныфта укуларын тәмамлаячак, һәм мәгариф системасы алдына кискен бурыч куелачак: сәләтле балаларның белем алу траекториясен өзмәү һәм мотивацияне саклап калу. Зур шәһәрләрдә тулы канлы физика-математика лицейлары һәм мәктәпләре булса, район үзәкләрендә әлегә мондый инфраструктура юк. Хакимият һәм экспертлар бергәләп мәктәп укучыларына урында төгәл фәннәрне тирәнтен өйрәнүне дәвам итәргә мөмкинлек бирәчәк механизмны эшләргә тиеш.
Нет комментариев