Республикакүләм бәйгенең зона этабында катнашты
26 март көнне “Россия Каһарманы Иван Алексеевич Додосов исемендәге аерым фәннәрне тирәнтен өйрәтүче 1 нче номерлы Питрәч урта гомуми белем БИРү мәктәбе” муниципаль бюджет гомуми белем бирү учреждениесе базасында «Педагог-психолог-2024» балаларны тәрбияләү һәм өстәмә белем бирү өлкәсе хезмәткәрләренең һөнәри осталыгы республикакүләм бәйгесенең зона этабы узды.
Анда республикабызның сигез районыннан педагог-психологлар катнашты. Конкурста катнашучылар мастер-класслар күрсәттеләр һәм проблемалы ситуацияләрне хәл иттеләр. Теләче районы исеменнән Теләче 3нче номерлы балалар бакчасы педагог-психологы Фәридә Хәбирова чыгыш ясады, бәйге чаралары нәтиҗәләре буенча ул 3нче урынны алды. Котлыйбыз!
Следите за самым важным и интересным в Telegram-каналеТатмедиа
Нет комментариев