Социаль хезмәткәрләр көне белән!

2001 елдан бирле үткәрелеп килүче бу көннең әһәмиятен сезнең өлкән буынга, аз тәэмин ителгән гаиләләргә, мөмкинлекләре чикле, теге яки бу сәбәп белән авыр хәлдә калып ярдәмгә мохтаҗ булганнарга көндәлек булышлык күрсәтүегез билгели. Алар турында кайгырту өчен күңел җылылыгы да, игътибарлылык һәм мәрхәмәтлелек кебек сыйфатларга ия булу да кирәк. Шуңа күрә әлеге хезмәттә күңел кушуы буенча гына эшләргә мөмкин. Башкалар хәсрәтен үз йөрәгегез аша үткәрү, аларга яшәү көче бирә белгәнегез өчен зур рәхмәт сезгә. Социаль өлкәдә эшләүнең бетмәс-төкәнмәс энергия, көч, сабырлык, кешеләрне чын ярату соравын һәркайсыбыз яхшы аңлый. Шундый кайгырту булганда халык киләчәккә өмет белән яшәр. Игелекле һәм мәрхәмәтле эшегездә уңышлар, нык сәламәтлек, бәхет телибез.

Муниципаль район Советы, муниципаль район башкарма комитеты.

Фото: https://www.freepik.com