Татарстанда 12,5% якын ата бала карау ялын рәсмиләштергән

Эш бирүче өч эш көне эчендә белешмәләрне социаль фондка тапшыра, шуннан соң пособие 10 эш көне дәвамында билгеләнә һәм бала яшь ярымга җиткәнче түләнә. 2026 елда минималь сумма аена 10 837 сум тәшкил итә, максималь сумма - 83 021 сум.

         2024 елдан әти бала карау ялыннан чыгып һәм шул ук вакытта айлык пособиегә хокукны саклап, тулы көн эшли ала. Ә 2026 елның 1 гыйнварыннан һәр баланы карау чоры яшь ярымга кадәр иминият стажына исәпләнә

         Ялны әни яки әти генә түгел, әби, бабай, башка туганнары яки опекуны да рәсмиләштерә ала. Әгәр гаиләдә игезәкләр, өчәр бала барлыкка килсә, ялга ике ата-ана да китәргә мөмкин.

       "Бүген әтиләр ешрак балалары турында кайгыртуны үз өстенә ала. Бу нормаль практика, һәм дәүләт мондый гаиләләргә ярдәм итә. Татарстанда 1 500 меңгә якын әти баланы карау буенча отпуск рәсмиләштергән инде. Бу ата-аналарның мондый мөмкинлектән актив файдалануы турында сөйли, һәм без процессны мөмкин кадәр уңайлы итеп эшләүне дәвам итәбез», - диде Татарстан Республикасы буенча СФР бүлеге идарәчесе Эдуард Вафин.

             Социаль ярдәм чаралары, түләүләр һәм Россия Социаль фондының Татарстан Республикасы  бүлеге хезмәтләре  турында тулы һәм дөрес мәгълүматны СФР сайтында һәм социаль челтәрләрдәге MAX, ВКонтакте, Одноклассники һәм Телеграм рәсми аккаунтларда табарга мөмкин.

 Өстәмә мәгълүмат яки консультация алу өчен гражданнар 8 800 100 0001 номеры буенча бердәм контакт-үзәк операторларына мөрәҗәгать итә ала  (төбәк линиясе тәүлек буе эшли - 24/7, шалтырату бушлай).