Татарстанда 400 меңнән артык кеше электрон хезмәт кенәгәсеннән файдалана

Электрон хезмәт кенәгәсе (ЭТК) - традицион кәгазь документның цифрлы аналогы. Хезмәт чорлары, бер эш урынын икенчесенә алмаштыру, эштән азат итү һәм башка  вакыйгалар турында барлык мәгълүмат Россия Социаль фондының мәгълүмат системасында саклана. Электрон форматка күчү хезмәткәрләргә үз стажлары турында мәгълүматны , эш бирүчегә мөрәҗәгать итмичә генә, теләсә кайсы вакытта "Дәүләт хезмәтләре" порталы аша  алырга мөмкинлек бирә.

          Электрон хезмәт кенәгәсендәге язмалар яклаулы мәгълүмат базасында саклана, бу исә документны югалту яки бозу куркынычын юкка чыгара. Эшкә урнашканда, кәгазь хезмәт кенәгәсе тапшырырга кирәкми - эш бирүче барлык мәгълүматны турыдан-туры Социаль фонд системасыннан ала. Хезмәткәр теләсә кайсы вакытта хезмәт кенәгәсенә кертелгән язмаларның дөреслеген тикшерә һәм төгәлсезлекләрне тиз арада ачыклый ала. Моннан тыш, мәгълүматларны  автоматлаштырылган форматта җыю пенсия билгеләү вакытын кыскарта һәм стажны исәпләгәндә ялгышлар җибәрү куркынычын киметә.

           Электрон хезмәт китабы Россиядә 2020 елдан бирле  кулланышта. Документның  кәгазь форматы хезмәткәргә  бирелә, ә алга таба хезмәт эшчәнлеге турында барлык мәгълүмат цифрлы форматта алып барыла.

          Эшкә беренче тапкыр 2020 елның 31 декабреннән соң урнашучылар өчен кәгазь хезмәт кенәгәләре рәсмиләштерелми. Стаж турында мәгълүмат баштан ук электрон рәвештә генә алып барыла. Бу кагыйдә каникулларда вакытлыча эшкә урнашучы яшүсмерләргә дә кагыла.

           "Электрон хезмәт кенәгәсе - киләчәккә ышанычлы адым. Ул хезмәткәр  өчен дә, эш бирүче өчен дә уңайлы. Без республика халкының электрон  форматка өстенлек бирүен күрәбез, һәм аларның саны елдан-ел  арта. Димәк, кешеләр Цифрлы сервисларның ышанычлылыгын, уңайлылыгын һәм гадилеген бәяли", - дип өстәде Татарстан Республикасы буенча Социаль фонд бүлеге идарәчесе Эдуард Вафин.

 Социаль ярдәм чаралары,түләүләр һәм Россия Социаль фондының Татарстан Республикасы  бүлеге хезмәтләре  турында тулы һәм дөрес мәгълүматны СФР сайтында һәм социаль челтәрләрдәге MAX, ВКонтакте, Одноклассники һәм Телеграм рәсми аккаунтларда табарга мөмкин.

             Өстәмә мәгълүмат яки консультация алу өчен гражданнар 8 800 100 0001 номеры буенча бердәм контакт-үзәк операторларына мөрәҗәгать итә ала  (төбәк линиясе тәүлек буе эшли - 24/7, шалтырату бушлай).