Иң салкын төн җомгага туры киләчәк
Татарстанда уртача җылы һава торышы көтелә, әмма явым-төшем атна буе була, дип фаразлана. Сишәмбе иртән төбәктә урыны белән яңгыр көчәергә мөмкин.
Бу хакта «Татар-информ» хәбәрчесенә «МЕТЕО» фаразлау үзәге синоптигы Александр Ильин хәбәр иткән.
«Татарстанда, шул исәптән Казанда, бүген көндез +11..+13 градус һәм төнлә +6..+8 градус тирәсе була. Бераз яңгыр көтелә. Сишәмбе дә шундый һава торышы фаразлана. Атна уртасында бераз болытлы һәм яңгырлы була башлый. Әмма шимбә һәм якшәмбе явым-төшем көтелми. Шулай ук пәнҗешәмбедән җомгага каршы төндә урыны белән җепшек кар яву ихтималы бар», – диде агентлык әңгәмәдәше.
Чәршәмбедән башлап Татарстанда төнге температуралар +2..+7 градус дәрәҗәсендә була башлый, атна азагына кадәр җитди тирбәнешләр булмаячак. Республиканың төньяк районнарында төнлә температура +6 градуска кадәр түбәнәергә мөмкин. Атна уртасында явым-төшемнәрнең интенсивлыгы кими башлый.
Тулырак: https://tatar-inform
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев