Теләче Информ

Теләче районы

Язмалар

Азат Абитов: "Холыклар туры килмәде, аерылыштык"

Азат Абитов "Онытыл" дигән җырында: "Күренмәсәң, әйдә, күренмә син, Онытылган килеш онытыл... Кирәк микән безгә күрешүләр? Үткәннәрне нигә эзләргә?" - дип җырлый. Ник җырчы ул кадәр ачыргалана, сәбәбе нидә? - Азат, кемне онытырга тырышасың? - Бер кызны онытып булмый. - Кем иде? - Исемен әйтмим. - Ник аерылыштыгыз? - Холыклар...

Азат Абитов "Онытыл" дигән җырында: "Күренмәсәң, әйдә, күренмә син, Онытылган килеш онытыл... Кирәк микән безгә күрешүләр? Үткәннәрне нигә эзләргә?" - дип җырлый. Ник җырчы ул кадәр ачыргалана, сәбәбе нидә?

- Азат, кемне онытырга тырышасың?

- Бер кызны онытып булмый.

- Кем иде?

- Исемен әйтмим.

- Ник аерылыштыгыз?

- Холыклар туры килмәде.

- Әллә арага кеше кердеме?

- Кермәде.

- Күпме йөрдегез?

- Ике ел ярым.

- Танышуыгызга ни сәбәпче булды?

- Иҗат. Кызым белән аерылышкач, Айдар абый Тимербаевка күңел халәтемне сөйләгәч, ул шушы җырны тәкъдим итте.

- Шул хәтле янып-көясең, башка кызларың булмадымы әллә?

- Кызларым күп булды.

- Ул кызлар белән кем аерды?

- Язмыш.

- Язмыш, дисең, кешенең үзеннән дә күп нәрсә тора бит?

- Башта бар да әйбәт була, аннары ара бозыла. Шул чакта: "Нәрсә булды?" - дип сорарга кирәк икән. Ул кыз да башта гади егет белән йөри башлады. Соңыннан бу егет җырчыга әйләнде.

- Тормышта начармы син?

- Акыллы.

- Күңел халәтең еш үзгәрәме?

- Юк.

- Нидән төшә?

- Берәр нәрсә килеп чыкмаса. Бик шаян кешемен, көләргә яратам.

- Беренче тапкыр күргән кеше сине: "Үзен әллә кемгә куйган!" - дип тә әйтергә мөмкин.

- Шулай булып күренәм генә.

- "Йолдыз" авыруы юкмы синдә?

- Акыллы кешедә булмый ул.

- Син бит Шыгырданнан, анда күбесе ит сата. Нишләп син дә ит бизнесы ачып җибәрмәдең?

- Гаиләм бик музыкаль. Әти дә, әни дә музыкант. Сеңлем, абый да җырлый. Барыбыз да җырлыйбыз. Әти клубта тавыш режиссеры, әни баянга өйрәтә, музыка белеме укыта. Раил абый авылда терлекләрне эшкәртә.

Реклама
2VtzquYYXcQ




- Сиңа олы яшьтәге ханымнар да гашыйк икән. Аларга ни дисең?

- Хөрмәт белән генә карыйм.

- Беренче чыкканда сәхнәдә кимчелекләрең бар идеме?

- Елмаймый идем.

- Хәзер көчләп елмаясыңмы?

- Көчләп түгел, хәзер үземне иркенрәк тотам. Уйнап елмайсаң күренә, мәҗбүр итеп елмаймыйм.

- Тагын, тагын?

- Туп-туры басып җырлый идем. Үземне "җырлаучы багана" дия идем. Бүтән җырчыларны карап, әкренләп сәхнәдә халык белән дә сөйләшә башладым.

- Нәрсә эшләргә яратмыйсың?

- Үтүкләргә.

- Бүләкләр күп бирәләрме?

- Бервакыт бал бирделәр. Түбән Камада бер апа "Азат" дип чиккән сөлге бүләк итте.

- Кәефең кайчан күтәрелә?

- Футбол уйнагач.

- Син бит мишәр.

- Әйе!

- Мишәрне кем диләр әле?

- Татарның каймагы.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2VtzquYYXcQ