"Гомер буе сөенербез, дип уйладым"

- Артемийны көтеп алдык. Ирем белән икебезнең дә - икенче никахы. Беренче никахтан да балаларыбыз бар. Ә менә Артемий уртак сабыебыз булды. Барлык туганнар өчен дә тансык бала ул. Гомеребез буе шатландырырлар, сөенеч эчендә генә яшәр­без дип уйладык, - дип сөй­ли Наталия. - 2017 елның ок­тябрь аенда чәчтарашханәгә бар­дык. Улымның чәчен заманча итеп алдырырга иде исәбем. Шунда чәч кисүче баланың башында шеш күреп алды. Моңа кадәр ничек үзем күрмәгәнмен?! Юкса, баламны гел яратып, ко­чак­лап кына торам бит.

Шуннан соң Наталиянең төн йокылары кача. Иртәгесен ул улын табибка алып бара. Алар да күңелен төшерми, лимфа тө­еннәренә салкын тигән, дип кайтарып җибәрә. Антибиотик­лар эчәргә кушалар. Наталия шулай эшли, улын тиешенчә дә­валый. Табиблар кабат тик­шерә, анализлар сабыйда шеш юклыгын күр­сәтә. Тик Яңа ел бәйрәме алдыннан Артемийның температурасы күтәрелеп китә.

- Ул чакта да башка начар уй килми. Салкын тигәндер дип уйладым. Тик температураны берничек тә төшерә алмагач, яңадан табиблар ишеген шакыдым. Бу юлы да биопсия алдылар. Монысында алар куркыныч хәбәр җит­керде: улымда яман шеш барлыгын әйттеләр. "Ходжкин авыруы" дигән диагноз куйдылар, - ди Наталия.

Бу авыруны Татарстанда дә­валамыйлар. Артемий - бик сабыр бала. Нинди генә авырлык килсә дә, үзен тыныч тота. Аның бик тә тереләсе килә. Өйдә апа-абыйлары көткәнне белә ул. Кечкенә булса да, авыруын җиңәргә кирәклеген дә аңлый. "Хәзер без чит илдә. Табиблар баланы бөтенләй савыктырып булачак дип вәгъдә бирә. Ике химия курсын алдык инде. Тагын икене аласы калды, - ди әнисе. - Артемий бирешми. Әмма дә­валану өчен күп акча кирәк. Тиеш­ле сумманың яртысын җый­дык инде. Тагын 1 миллион сумнан артык акча сорыйлар. Шуңа да сезнең газета аша мәрхәмәтле кешеләргә мөрә­җәгать итәргә булдым. Ярдәм итегезче!"

Әнисе Садкова Наталия Михайловна исемендәге

Саклык банкы карталары:

5469 6200 1613 1631

4817 7600 6229 3935