Кышкы тәгәрмәч куймыйча юлга чыкма!

Бу атнада һава торышы кинәт үзгәрү сәбәпле, республикабыз юлларында аварияләр очраклары артты.

30 октябрь көнне Алексеевск районында "Джили М-Гранд" автомобиле тизлекне арттыра һәм юл кырыена төшеп әйләнә. Машина йөртүче шунда ук һәлак була, аның пассажиры хастаханәгә озатыла. Автомобильнең дүрт көпчәге дә җәйге була.

Шул ук көнне Аксубай районында "Лада-Приора" автомобиле тизлекне арттыра, каршы як юлга чыга һәм "Фредлайнер" автомобиленә килеп бәрелә. Һәлакәт нәтиҗәсендә "Лада-Приора" автомобиленең йөртүчесе һәм пассажир алган тән җәрәхәтләреннән шунда ук һәлак була. Әлеге машинаның алгы тәгәрмәчләре генә кышкы була.

ЮХИДИ кисәтә: юл йөрү кагыйдәләре буенча машинага берьюлы кышкы һәм җәйге тәгәрмәчләр дә куярга ярамый. Автомобильдә бары тик кышкы тәгәрмәчләр генә булырга тиеш. Тәгәрмәчне вакытында алыштыру гомерне саклап кала.

Көзге-кышкы-язгы чорда юлларда бозлавык саклана. Андый шартларда автомобиль йөртүчеләргә тизлек режимын саклап йөрергә киңәш ителә.

Мәгълүматлар ЮХИДИның район бүлегеннән алынды