Казанда башкорт шагыйре һәм язучысы Мостай Кәримнең тууына 107 ел тулуны билгеләп үттеләр. Аның исемендәге скверда чәчәкләр салу тантанасы һәм әдәби-музыкаль программа узды. Башкорт әдәбияты классигын искә алырга хакимият вәкилләре, мәдәният эшлеклеләре, яшьләр һәм җәмәгать эшлеклеләре килде.
Программа барышында язучының шигырьләре, әсәрләренә җырлар һәм башкорт халык композицияләре яңгырады. Җыелучылар алдында «Ак тирәк» һәм «Айтуган» коллективлары, Татарстанның атказанган артисты Фәрит Мирзануров һәм башка башкаручылар чыгыш ясады. Шулай ук катнашучыларга Мостай Кәрим исемендәге фонд мөрәҗәгатен дә укыдылар.
Фото:татаринформ
Нет комментариев