1 ноябрь көнне Теләче авылында яшәүче МОРТАЗИН ФИДАИЛ ГӘПТЕЛӘХӘТ УЛЫның туган көне

Кадерле кодабыз! Сине олы бәйрәмең — 55 яшьлек юбилеең белән чын күңелдән котлыйбыз. Изге дөньяның барлык рәхәтләрен күреп, сиңа нык сәламәтлек, күңел тынычлыгы, гаилә шатлыгы, кодагый белән бергә тигезлектә,  бәхетле озын гомер кичерүегезне, кайгы-хәсрәтсез көннәр, ак бәхетләр, балаларыңның һәм оныкларыңның ихтирамын, күңел җылысын тоеп, игелекләрен күреп, бергә-бергә күңелле итеп яшәргә Ходай насыйп итсен. Әрнү-сагыш белмә, һәрвакыт шулай мөлаем, олы йөрәкле, ярдәмчел бул. Киләчәгең җыр кебек матур, кояш кебек якты булсын.Туачак таңнарың һәрвакыт нурлы, күк йөзең һәрвакыт аяз булсын. Гел шулай елмаеп, кешеләрне сөендереп яшә!

Юбилеең котлы булсын, Кода!,

Йөзләреңдә бәхет балкысын.

Изге, мәрхәмәтле йөрәгеңдә

Һич сүнмәсен кояш яктысы.

 Балаларың,туганнарыннан хөрмәт күреп

Оныкларын белән бергәләп.

Яшик эле, Кода бүгенгедәй

Бер-беребезнең кадерен белгәләп.

Иң изге теләкләр белән: Кода –кодагыйларын, Ленар – Ләйсән, Гөлчәчәк, Мәликә, кечкенә җимешебез Ильдан.