13 апрель көнне район мәдәният бүлеге җитәкчесе Даут Солтангәрәй улы Иксановның гомер бәйрәме

Хөрмәтле Даут Солтәнгәрәевич! Шундый зур һәм якты бәйрәм көнендә Сезгә ихлас котлауларыбызны юллыйбыз. Сезнең тормыш һәм хезмәт биографиягезне намуслы, тырыш хезмәт бизи. Нинди генә эшкә алынсагыз да, көчле рухлы, нык ихтыярлы кеше булып, фидакарь хезмәт белән җигелеп тартасыз. Яшегез һаман алга чабып, чәчләрегезгә чал төшсә дә, сез гел яшь һәм шат күңелле булып кала бирәсез. Киләчәктә дә кайгы-хәсрәт күрмичә, байлыкта, муллыкта гомер итәргә язсын. Кешеләргә матурлык өләшә торган уртак хезмәтебездә зур уңышлар телибез. Балаларыгызның, туганнарыгызның, дусларыгызның рәхим-шәфкатен тоеп, Диләрә ханым белән тигез мәхәббәттә, хәерле һәм бәрәкәтле гомер итегез.

Иң изге теләкләр белән хезмәттәшләрегез