6 ноябрь көнне Татарстанда Дәүләт янгынга каршы хезмәте бүлекчәләре тугыз янгынга чыккан. Аларның дүртесе торак секторында, тагын икесе — коры үлән, камыш һәм чүп яну очраклары. Бу хакта төбәк гадәттән тыш хәлләр министрлыгында хәбәр иттеләр.
Россия гадәттән тыш хәлләр министрлыгының Татарстан Республикасы буенча Баш идарәсендә янгын куркынычсызлыгы кагыйдәләрен үтәүнең мөһимлеге турында искә төшерәләр. Янган шырпы һәм тәмәке төпчекләрен каядыр ыргытмаска, электр җиһазларының төзеклеген даими тикшерергә, шулай ук өйдән чыгып киткәндә яки йокларга ятар алдыннан электр приборларын сүндерергә кирәк. Балаларны караучысыз калдырмау мөһим.
Янгын чыккан очракта кичекмәстән 101 яки 112 номерларына шалтыратырга кирәк.
Нет комментариев