Теләче авылында яшәүче Имамиева Фәймә Гәбделхак кызына 18 ноябрь көнне 70 яшь тула

Кадерле әниебез!

Сине гомер бәйрәмең белән ихлас күңелдән котлыйбыз. Сиңа озын гомер, нык тазалык, муллык, җан тынычлыгы телибез. Картаюны сизмичә, яшәү дәртеңне сүндермичә, озак гомер итәргә язсын. Гомер буе без – балаларың дип яшәдең, әтиебез белән безне кадерләп үстереп, үз юлыбызны табарга булышканыгыз, яратып кайгыртканыгыз өчен зур рәхмәт сезгә.  

Һәрбер иртә сине куандырып
Шатлык белән яңа таң атсын.
Күзләреңне сагыш яше түгел,
Шатлык яше генә чылатсын.

Җирдә кояш нуры балкыгандай
Син балкыйсың безнең күңелдә.
Тормышыбыз синең белән матур
Рәхмәтлебез сиңа гомергә.

Иң изге теләкләр белән тормыш иптәшең  Равиль, улларың Руслан, Тимур, киленең Фаягөл,  кызың Лилия, киявең Артур, оныкларың, Алсу – Данис,  Әмир, Азиза, Данис, Нәргизә, Самира, Салих.