Татарстанга җылы кайчан киләчәк?

Беренчел мәгълүматлар буенча, республикага җылы шимбәдән дә иртәрәк килмәячәк. 

Якындагы көннәрдә Татарстанда яңгыр көтелә, урыны белән яшен дә булырга мөмкин. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

Бүген көндез бераз яңгыр яварга мөмкин. Төнлә һава температурасы +2…+3 градус булса, көндез +10…+15 градус булачак.

28 һәм 29 апрельдә яңгыр яварга мөмкин, ә чәршәмбе көндез яшенле яңгыр булырга мөмкин. Төнлә — 1 градуска кадәр салкынайтачак, көндез — 7-13 градус җылы.

Шимбә көнне һава температурасы +12…+17 градуска кадәр күтәреләчәк. Урыны белән бераз яңгыр яварга мөмкин.