Зимфира Гыйльметдинова туган авылында — Балыклыда җирләнде

«Татмедиа»да оештырылган хушлашу мәрасименнән соң танылган журналистның җәсәден Теләче районының Балыклы авылына алып кайтып киттеләр.

Зимфираны озатырга халык күп җыелган иде. Алар арасында артистлар, журналистлар, язучылар күп иде, дип яза Татар-информ.  

Хушлашу мәрасимен Татарстан язучылар берлеге рәисе Ркаил Зәйдулла алып барды. Хушлашу сүзләрен Казан шәһәре башкарма комитеты рәисе урынбасары Гүзәл Сәгыйтова, «Татмедиа» акционерлык җәмгыяте генераль директоры Шамил Садыйков, Татарстан журналистлар берлеге рәисе Илшат Әминов әйтте.   Якын дуслары Гөлнәзирә Талипова, драматург Данил Салихов, Илсур Мортазин һәм башкалар истәлекләре белән уртаклашты.