“Бердәм Россия” кабул итә

"Бердәм Россия" Бөтенроссия сәяси партиясе 1 декабрьдә гражданнарны Бердәм кабул итү көне үткәрә.

Әлеге уңайдан районыбызда да ТР Дәүләт Советы депутаты Камил Садриев һәм район җитәкчеләре - муниципаль район башлыгы Илдус Зарипов, муниципаль район башкарма комитеты җитәкчесе Рөстәм Нуруллин, "Бердәм Россия" Бөтенроссия сәяси партиясенең җирле бүлеге башкарма комитеты җитәкчесе Роберт Арслановлар иртәнге сәгатьләрдә кабул итүләр уздырачак.

Моннан тыш, бу көнне гражданнарны кабул итү район социаль яклау бүлегендә, җаваплылыгы чикләнгән "Мишә" ширкәтендә, район үзәк хастаханәсендә һәм авыл җирлекләрендә узачак. Белешмәләр өчен телефон: 21-0-37.