Бәйрәм яллары елына 3 көн генә калырга мөмкин

Россия Дәүләт Думасы депутатлары ел буена була торган барлык бәйрәм көннәренең өчесен генә ял көне итәргә, дигән тәкъдим белән чыккан. Бу көннәр - 1 гыйнвар - Яңа ел, 9 май - Җиңү көне һәм 12 июнь - Рәсәй көне.

Депутатлар әйтүенчә, ел дәвамында бәйрәм ял көннәренең күп булуы ил халкына да тискәре тәэсир итә - күп ашау, алкогольне чамасыз кулларну кебек күренешләр арта, шулкадәр күп яллар сәбәпле ил икътисады 3 триллион сумга кадәр акча югалта, промышленностьта җитештерүчәнлек 15 - 20% ка кадәр кими.

Моңа алмашка депутатлар өстәмә 10 көнлек ял алу мөмкинлеге кертергә телиләр. Һәм ул ялны елның теләсә кайсы вакытында алырга мөмкин булачак.