Теләче Информ

Теләче районы

18+
2024 - Гаилә елы
Новости со всего света

Качману бәйрәме турында мәгълүмат (безнең районда да уздырылачак)

Бүген православие дөньясы Качману бәйрәмен билгеләп уза. Крещение алды кичендә һәм бәйрәм көнне чиркәүләрдә гыйбадәт кылу һәм суны изгеләндерү йоласы башкарыла. «Матфей язган Арыу Евангелие»да Качмануны бәйрәм итү вакыйгасы турында түбәндәгеләр әйтелә: «Шул чакта Иисус Галилеядан Иордан җанына Иоаннан чумылдырылырга килгән. Әмма Иоанн Аны туктатып әйткән: мин Синнән чумылдырылырга тиеш,...

Бүген православие дөньясы Качману бәйрәмен билгеләп уза. Крещение алды кичендә һәм бәйрәм көнне чиркәүләрдә гыйбадәт кылу һәм суны изгеләндерү йоласы башкарыла.

«Матфей язган Арыу Евангелие»да Качмануны бәйрәм итү вакыйгасы турында түбәндәгеләр әйтелә: «Шул чакта Иисус Галилеядан Иордан җанына Иоаннан чумылдырылырга килгән. Әмма Иоанн Аны туктатып әйткән: мин Синнән чумылдырылырга тиеш, Син Үзең миңа киләсең, дигән. Иисус аңа җавап биреп әйткән: туктатма әле, безгә шулай итеп ар-бер дөреслекне кылырга тиеш, дигән; аннары Иоанн Аны туктатмаган. Иисус чумылгач, тизук судан чыккан; шул сяттюк Аңар кюкляр ачылган; (Ианнъ) Аның өстенә Алла Тыны күгәрчен рәвешле булып иңгәнне күргән. Шул чагында күктән аваз килгән: Шушы Минем сөекле Улым, Анда Минем ризалыгым, дип».

Качману көнен икенче төрле Белем бирү көне һәм Яктылык көне дип тә йөртәләр - аның алдыннан (кичке келәүдә) борынгыдан ук калган буенча чумылдыру йоласы үтәлә. Качману турындагы вакыйгалар өч Евангелистның да изге язуларында шулай ук бик күп бәйрәм стихарьлары һәм тропарларда бирелә.

"Иордан сулары җазыксыз, үлемсез Христос тәненә тигәннән соң, тулысынча аруландырыла һәм җазыклардан арындыра һәм тазарта алырлык беренчел вакыттагы хәленә килә. Ходайыбыз Иисус Христосның чумылуы кешеләрне коткаруга хезмәт итүенең башы булып тора. Ходайыбыз Иорданда чумылганда кешеләргә Святый Өчлөге турында билгеле була. Күктәге Атабыз Улы турында әйтә, ә аның өстенә күгәрчен рәвешле булып Святый Тын иңә", ди керәшен кардәшләребез.

Крещение суы сихәтләндерү көченә ия, хәтта бу көнне гадәти чишмәләрдән дә изге су ага, дип ышаналар. Шулай ук бу көнне буа, елга, күлләрдә бәке ясап, су коену йоласы да үткәрелә.

Интертат

Сүз уңаеннан, бүген Качману бәйрәме безнең районның Субаш һәм Шармыш авылларында да уздырылачак. Субаштагысы 13.00 сәгатьтә башлана, ә Шармыш авылындагы бәйрәм 14.00 сәгатьтә башланачак. Ике бәйрәм чарасын да Артемий атакай үткәрәчәк.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев