Казанда кеше мәете калдыклары табылган

14 август көнне Казанның Лобачевский урамындагы йорт янында кеше мәете калдыклары табыла. Татарстан тикшерү органнары әлеге очрак буенча башлангыч тикшерү уздыра, дип хәбәр итә Россия Тикшерү комитетының ТР буенча тикшерү идарәсе җитәкчесенең өлкән ярдәмчесе.

Төзү эшләре барышында табылган сөякләргә дистәләгән еллар булырга мөмкин дип фаразлана. Хәзерге вакытта алар экспертизага җибәрелгән. Бу хәлнең нечкәлекләрен ачыклауга юнәлтелгән чаралар башкарыла. Җинаять эшен тикшерү дәвам иттерелә, дип ассызыклана хәбәрдә.

Татар-информ