Әлмәттә "Гражданский университет - Идель" тыңлаучыларының йомгаклау сессиясе булды

11-13 декабрь көннәрендә Әлмәт шәһәрендә партия проекты кысаларында оештырылган "Гражданский университет - Идель" тыңлаучыларының йомгаклау сессиясе булып узды. Өченче ел рәттән уздырылучы әлеге проектның быелгысында бер йөздән артык тыңлаучы катнашты. Сессия эшендә күренекле партия һәм дәүләт җитәкчеләре, сәясәтчеләр, социологлар катнашты һәм чыгыш ясадылар. Быелгы сессиянең төп темасы булып 2016 елда булачак сайлауларга әзерлек һәм аларны уңышлы уздыру булды. Сессия ахырында тыңлаучылар үзләре әзерләгән пректларны якладылар, һәм аларга тиешле сертификатлар тапшырылды.