Прививкадан һәр бишенче кешенең хәле начараю - табиблар намусында

Роспотребнадзор төбәкләргә медицина персоналларына вакциналарны дөрес саклау һәм дөрес кертүне өйрәтергә киңәш итте. Бу хакта "Известия" яза.

Роспотребнадзор белдерүенчә, 2016 елда вакцианадан соң хәле начарайган очракларның 20 проценты табибларның препаратны дөрес кертмәве белән бәйле. Ә кайбер прививка ясый торган кабинетларда санитар шартлар үтәлмәве ачыкланган. Аерым алганда, перепаратларны саклауда температура режимы һәм пациентны карау кагыйдәләре үтәлмәгән. Роспотребнадзор Роспотребнадзор Россия субъектлары башкарма хакимияте органнарына медицина хезмәткәрләренә системалы укыту оештыруны киңәш иткән проект карары әзерләгән .

Роспотребнадзор мәгълүматлары буенча, 2016 елда елда вакцианадан соң хәле начарайган 221 очрак теркәлгән. Әлеге хәл ешрак 14 яшькә кадәрле балалар (195 очрак) белән булган. Нәкъ шушы яшь төркеменә күпчелек прививка ясала. Традиция буенча, иң реакция бирә торган вакцина - АКДС (бума ютәл, дифтерия һәм столбняктан) һәм БЦЖ (туберкулезга каршы).

Татар-информ