Сезнең эштә корпоратив булачакмы? (сораштыру)

Быелгы корпоративта бернинди танылган җырчы, иҗат коллективы да чыгыш ясамаячак, дип алдан ук кисәтеп куйган алар. Россиядәге оешмаларның 15 проценты исә бер тапкыр да корпоратив уздырмаган. Ә сездә быел бәйрәм көтеләме? Аңа ничек әзерләнәсез? (сораштыру мәкаләнең ахырында)

- Медицина университетында Яңа ел корпоративы ел саен үткәрелә. Нинди генә авырлыклар булса да, аны быел да уздырачакбыз. Тагын шунысын да искәртеп үтәсем килә: бу чара вуз бюджеты хисабына түгел, хезмәткәрләрнең үз акчасына үткәрелә. Анда әллә нинди танылган артист, актерны да чакырган юк. Күңел ачтыручылар сыйфатында студентларны да кулланмыйбыз. Бар да үз тырышлыгыбыз белән оештырыла. Корпо­ративның файдалы яклары шактый бит. Хезмәт уры­нындагы мөнәсә­бәт­ләр, бердәмлек, әмер, рег­ламент кебек рәсми документлар ярдәмендә генә түгел, эштән соң уздырылган менә шундый чараларда, гади мохиттә аралашу аркасында да урнаша.

- Бу хакта сөйләшергә вакыт юк әле. Укулар оештырып йөрибез. Алдагы көннәрдә бөтен республикадан яшь депутатлар ки­лергә тиеш. Быел, бәлки, корпоратив булыр. Һәр­хәл­дә, шулай дип ышанабыз. Үткәргән очракта да, без анда үз коллективыбыз белән генә җыелабыз. Әл­лә нинди купшы кичәләр оештырган юк. Киләсе елга ничек эшләү, нинди үр­ләр яулау турында фикер алышабыз. Шәхсән үзем корпоративларны кирәк дип саныйм. Ул коллективны бергә туплый, тагын да ныг­рак берләштерә.

- Безнең беркайчан да Яңа ел корпоративы уз­дырганы­быз юк. Беренче­дән, хез­мәткәрләребез күп тү­гел. Аларның һәркайсы үз оешмасы, андагы коллектив белән эшли. Аның каравы, үзебезнең карамакта булган оешма хезмәт­кәренең балаларына бәй­рәмне кү­ңел­ле һәм истә калырлык итеп оештырырга тырышабыз. Ба­лалар­ның һәркай­сына бү­ләкләр, бәйрәм чараларына билетлар өлә­шәбез. Ел саен 3 меңнән артык билет сатып алабыз. Хезмәт­кәр­ләргә ул шактый арзан бәягә таратыла. Мин үзем бүген корпо­ратив­ларның әллә ни әһә­мияте бардыр дип санамыйм. Бе­рәр көнне эштән соң хез­мәттәшләрем белән җы­е­лышып концертка барып, соңрак Казан буйлап йө­реп кайтсак, шуннан да яхшысы юк. Рухи яктан да байыйсың, хезмәттәшләр белән үзара мөнәсәбәтләр дә яхшыра.

- Яңа ел корпоративына чакыруларны күптән кабул итә башладым. Барысына да барып җитеп кенә булмый. Ник дигәндә, бу чараларның күбесе 20 декабрьдән соң башлана. Бер көнне ике җиргә җырларга чакыручылар да бар. Ике­се­нең берсен сайларга туры килә. Болай 3-4 корпоративка барачагымны төгәл беләм. Арада әле туйлар да бар бит. Хәзер банкет, корпора­тив­лар­ның сыйфаты үзгәрде. Алар күбрәк концерт сыйфатында уза. Шуңа җыр­чылар теләп йөри. Анда да сине шул ук тамашачың каршы ала бит. Аннары артистларга түләү ягы да яхшырды. Шәхсән үзем банкет, корпоративларга йө­рергә бик яратмыйм, чөн­ки репертуарымда - ни­гездә, моңлы, сал­мак җыр­лар. 31 дека­брьдә исә, нинди генә зур акча вәгъдә итсәләр дә, беркая да бармыйм. Яңа ел булудан тыш, бу көн - әле минем туган көнем дә.

- Быел бездә корпоратив булмаска охшап тора, чөнки башка елларда бу вакытта аңа әзерләнә башлый идек инде. Корпоратив булмаса, бүлмәдәге хезмәттәшләр белән кафеда утырып алырга исәп бар.