Суган эченнән наркотик табыла

Әлмәтнең төзәтү колониясенә наркотиклар кертергә маташучыны эзлиләр.
Билгесез кеше койма аша 8 нче төзәтү колониясе территориясенә суган ыргыта. Гади суган гына булмый ул. Уяу хезмәткәрләр табып алган суган эченнән наркотик табыла. Суганның эченә караңгы төстәге порошоксыман матдә салынган "Димедрол" таблеткасы кабын куйганнар да, кисеме күренмәсен өчен скотч белән ураганнар. Экспертиза әлеге матдәнең ацетиллаштырылган опий булуын күрсәткән - 1,68 грамм.

Әлеге факт буенча җинаять эше кузгатылган, дип хәбәр итә "Әлмәт таңнары" газетасы.